Forléargas
Is éard atá sna Grúpa Idirphlé Shibhialta (GISanna) grúpaí saineolaithe de chuid an Choimisiúin a bhaineann go sonrach le hArd-Stiúrthóireacht na Talmhaíochta agus na Forbartha Tuaithe. Creat aonair atá iontu, ó thaobh an dlí agus an nós imeachta de, chun dul i gcomhairle le páirtithe leasmhara neamhrialtasacha. Tugann na GISanna cúnamh don Choimisiún Eorpach chun tionscnaimh bheartais a ullmhú agus tugann siad comhairle dó maidir lena réimsí inniúlachta téamacha nuair a bhíonn saineolas sonrach ag teastáil. Ina theannta sin, bíonn taithí agus dea-chleachtas á malartú sna GISanna agus faisnéis á scaipeadh idir na comhaltaí, agus bíonn siad in ann monatóireacht a dhéanamh ar na forbairtí beartais sna réimsí gníomhaíochta lena mbaineann siad.
Sheol an Coimisiún glao ar iarratais chun comhaltaí nua a ainmniú do na GISanna le haghaidh na tréimhse 2023-27. Ba é an 29 Samhain 2022 an sprioc-am chun iarratais a chur isteach i dtosach, ach cuireadh síneadh leis go dtí an 6 Eanáir 2023. Ar bhonn an nós imeachta le haghaidh iarratas agus an mhéid a leagtar amach i gCinneadh (AE) 2022/1368 ón gCoimisiún an 3 Lúnasa 2022, cheap Ard-Stiúrthóireacht na Talmhaíochta agus na Forbartha Tuaithe na comhaltaí a roghnaíodh do na 7 GIS nua.
Tuilleadh eolais faoin nglao ar iarratais
Grúpaí Idirphlé Shibhialta
De réir Chinneadh (AE) 2022/1368 ón gCoimisiún an 3 Lúnasa 2022 lena n-aisghairtear Cinneadh 2013/767/AE, bhunaigh an Coimisiún na 7 ngrúpa théamacha idirphlé shibhialta seo a leanas i ndáil le hábhair a chlúdaítear leis an gcomhbheartas talmhaíochta (CBT).
Gach ábhar a bhaineann leis an gComhbheartas Talmhaíochta, cur chun feidhme na bPleananna Straitéiseacha Comhbheartais Talmhaíochta i mBallstáit an Aontais agus forbairtí beartais fadtéarmacha san áireamh.
Forbairtí eacnamaíocha agus beartais maidir le margaí na n-earnálacha éagsúla i réimse na dtáirgí plandaí.
Forbairtí eacnamaíocha agus beartais maidir le hearnálacha na dtáirgí ainmhí.
Gach ábhar a bhaineann leis an ngné idirnáisiúnta den Chomhbheartais Talmhaíochta.
An táirgeadh orgánach, cur chun feidhme an táirgthe orgánaigh san áireamh, mar aon le bearta nua ón gCoimisiún, forbairt na mbeartas, agus dearcthaí na hearnála orgánaí maidir le cúrsaí beartais.
Tásca geografacha, sainearraí traidisiúnta faoi ráthaíocht, téarmaí roghnacha cáilíochta le haghaidh táirgí talmhaíochta, agus cur chun cinn tháirgí talmhaíochta an Aontais.
Gnéithe comhshaoil agus aeráide den Chomhbheartas Talmhaíochta, idir ionstraimí tacaíochta sonracha agus ollstruchtúr glas.
An trédhearcacht
Foilseoidh an Coimisiún na doiciméid ábhartha uile, ar nós clár, miontuairiscí, conclúidí, conclúidí páirteacha nó doiciméid oibre maidir le gníomhaíochtaí na ngrúpaí idirphlé shibhialta a bhíonn ag plé le hábhair a chlúdaítear leis an gComhbheartas Talmhaíochta.
Déanfar eisceachtaí ón bhfoilsiú córasach sin i gcásanna ina mbainfí an bonn, dá scaoilfí doiciméad, de chosaint leasa phoiblí nó phríobháidigh mar a shainmhínítear in Airteagal 4 de Rialachán (CE) Uimh. 1049/2001 maidir le rochtain an phobail ar dhoiciméid de chuid Pharlaimint na hEorpa, na Comhairle agus an Choimisiúin.
Amlíne
- Feabhra/Márta 2023
Cheap an Coimisiún balleagraíochtaí nua na GISanna
- Deireadh Fómhair 2022
D’fhoilsigh an Coimisiún glao ar iarratais chun comhaltaí nua a ainmniú do na GISanna le haghaidh na tréimhse 2023-27
- Lúnasa 2022
Ghlac an Coimisiún creat dlíthiúil nua le haghaidh na GISanna le héifeacht ó 2023
- Iúil 2021
Chinn an Coimisiún síneadh sealadach a chur le heagrú reatha na GISanna
- Iúil 2014
Chinn an Coimisiún comhdhéanamh na ngrúpaí idirphlé shibhialta, ar bhonn na nglaonna ar iarratais.
- Nollaig 2013
Bhunaigh an Coimisiún creat le haghaidh an idirphlé shibhialta.
- 1962
Bunaíodh creat le haghaidh an idirphlé le comhlachais ionadaíocha agus leis an tsochaí shibhialta maidir le hábhair a chlúdaítear leis an gComhbheartas Talmhaíochta.
D’fhonn cur leis an trédhearcacht agus ionas go ndéanfaí ionadaíocht ní ba chothroime ar na leasanna éagsúla, b’éigean athbhreithniú a dhéanamh ar an idirphlé a bhí ann sna grúpaí comhairleacha agus foráil a dhéanamh maidir le creat nua le haghaidh an idirphlé shibhialta i réimse na talmhaíochta agus na forbartha tuaithe, na gnéithe idirnáisiúnta san áireamh, agus na cúraimí agus na struchtúir ábhartha a shainiú.
Bunúis dlí
Cinneadh (AE) 2022/1368 ón gCoimisiún an 3 Lúnasa 2022 lena gcuirtear ar bun Grúpaí Idirphlé Shibhialta in ábhair arna gcumhdach leis an gcomhbheartas talmhaíochta agus lena n-aisghairtear Cinneadh 2013/767/AE
Rialacha cothrománacha an Choimisiúin maidir le grúpaí saineolaithe:
