Tascfhórsa na margaí talmhaíochta

Míniú ar an tascfhórsa

Tá deiseanna trádála tábhachtacha cruthaithe ag comhtháthú méadaitheach earnáil agraibhia na hEorpa i margaí domhanda, ach tá sé ina chúis freisin le neamhchosaint níos mó ar neamhfhoirfeachtaí margaidh agus le luaineacht mhéadaithe praghsanna. Chun cur i gcoinne na n-éifeachtaí diúltacha sin, chruthaigh an Coimisiún Eorpach grúpa saineolaithe ar a dtugtar tascfhórsa na margaí talmhaíochta.

Phléigh an tascfhórsa roinnt saincheisteanna d’fhonn seasamh na bhfeirmeoirí sa bhiashlabhra talmhaíochta a neartú. Cuireadh tuarascáil chríochnaitheach an tascfhórsa, lena n-áirítear moltaí sonracha beartais, i láthair ar an 14 Samhain 2016.

Bhí 12 chomhalta ar an tascfhórsa agus tháinig siad le chéile go rialta idir mí Eanáir agus mí na Samhna 2016. Le linn a chuid oibre, d’iarr an tascfhórsa freisin ar shaineolaithe seachtracha ábhartha agus ghlac sé le haighneachtaí ó thríú páirtithe.

Moltaí beartais

Rinne an tascfhórsa roinnt moltaí beartais ar ghlac an Coimisiún cuid acu mar chuid dá chlár oibre beartais. Áiríodh orthu sin trédhearcacht mhéadaithe sa mhargadh, toirmeasc ar chleachtais éagóracha trádála agus tuilleadh athruithe ar rialacha iomaíochta a chuir ar chumas feirmeoirí oibriú le chéile in eagraíochtaí táirgeoirí.

Comhaltaí an Tascfhórsa

• Cees P. Veerman (Cathaoirleach) – Ollamh le forbairt tuaithe inbhuanaithe atá dírithe ar an Eoraip in Ollscoil Tilburg agus in Ollscoil Wageningen
• Andrzej Babuchowski – Ollamh Titular, Dámh na nEolaíochtaí Bia, Ollscoil Warmia agus Mazury, Olsztyn; Uachtarán Institiúid Nuálaíochta an Tionscail Déiríochta
• Jérôme Bedier – Leas-Phríomhoifigeach Feidhmiúcháin agus Ardrúnaí Ghrúpa Carrefour
• Gianpiero Calzolari – Comhordaitheoir earnáil déiríochta Alleanza Cooperative Italiane
• David Dobbin – Príomhfheidhmeannach Ghrúpa na bhFeirmeoirí Déiríochta Aontaithe
• Louise Fresco – Uachtarán Ollscoil agus Ionad Taighde Wageningen
• Helfried Giesen – Príomhfheidhmeannach ar Bhord an chomharchumainn feola Westfleisch SCE ar scor
• Torbjörn Iwarson – Comhairleoir neamhspleách maidir le margaí tráchtearraí
• Aniko Juhasz – Ard-Stiúrthóir Institiúid Taighde na hEacnamaíochta Talmhaíochta (AKI) i mBúdaipeist
• Anne Laure Paumier – Comhalta de ghrúpa saineolaithe COPA-COGECA um ghránaigh; Leas-Cheann Coop de France (comhairleoir maidir le margadh an ghráin agus bainistiú riosca)
• Igor Sarmir – Saineolaí ar chaidreamh tráchtála ag Comhlachas Talmhaíochta agus Bia na Slóvaice; Comhalta de Choiste Eacnamaíoch agus Sóisialta na hEorpa
• Esther Valverde Cabrero – Leas-Ardstiúrthóir um Struchtúr Shlabhra an tSoláthair Bia, Aireacht Talmhaíochta, Bia agus Comhshaoil na Spáinne